Bakıda yeniyetməni avtomobil vuraraq öldürüb. Bu haqda 30 mart tarixində APA məlumat verib.
Vaqif küçəsi ilə Azadlıq prospektinin kəsişməsində 10-14 yaşlı oğlan “Koala park”-dan çıxaraq piyada üçün nəzərdə tutulmuş keçiddən keçərkən onu yüksək sürətlə hərəkətdə olan avtomobil vurub. Yeniyetmə aldığı zərbədən hadisə yerində dünyasını dəyişib.
Onun meyiti Məhkəmə Tibbi Ekspertiza və Patoloji Anatomiya Birliyinin Nəsimi Rayon Şöbəsinə təhvil verilib.
Faktla bağlı cinayət işi açılıb.
