Bakıda qardaşını borca görə bıçaqlayan şəxsə hökm oxunub. Bu haqda 28 fevral tarixində Report məlumat verib.
Nəsimi rayonunda ötən 2021-ci ilin iyul ayında Azər Ağalarov qardaşına Anar Ağalarova borca verdiyi 25 manat pulu qaytarmaması səbəbindən onu bıçaqlayıb. Yaralı dərhal xəstəxanaya yerləşdiirlib. Məlum olub ki, yaralanan şəxs qardaşından narkotik vasitə almaq üçün pul borc götürmüşdür.
Azər Ağalarov saxlanılıb və Cinayət Məclləsinin “Qəsdən sağlamlığa ağır zərər vurma” maddəsi ilə ittiham olunub. Bakı Ağır Cinayətlər Məhkəməsinin qərarı ilə Ağalarov 3 il müddətinə azadlıqdan məhrum edilib.
