Bakıda gecə ərzində paytaxt ərazisində 4 piyadanın xəsarət alması ilə nəticələnən yol-nəqliyyat hadisələri qeydə alınıb. Bu haqda BakuPlus.az Report-a istinadən bu gün, 30 iyul tarixində xəbər verir.
Yasamal rayonunda 2 piyada yol qəzasında xəsarət alıb.
"20 Yanvar" metrostansiyasının yaxınlığında yolu keçən 43 yaşlı Elnur Orucovu avtomobil vurub.
Qələbə dairəsi kimi tanınan ərazidə 53 yaşlı Adıgözəl Misgərov dairədə yolun piyada üçün müəyyən edilməyən hissəsindən keçərkən onu minik avtomobili vurub.
Paytaxtın Suraxanı və Nizami rayonlarında da analoji hadisə yaşanıb.
Nizami rayonunda 31 yaşlı Xəlilova Ayşəni, Suraxanı rayonunda isə yolu keçən 35 yaşlı Vüsal Hacıyevi avtomobil vurub.
Hər 4 piyada müxtəlif dərəcəli xəsarətlərlə xəstəxanaya çatdırılıb.
Faktlarla bağlı araşdırma aparılır.
