Prokurorluq Bakıda qadının qətli ilə bağlı məlumat yayıb. Bu haqda 30 noyabr tarixində Report məlumat verib.
Noyabrın 29-u saat 13:00 radələrində Sabunçu rayonu, Pirşağı qəsəbəsində 23 yaşlı Ləman Ələsgərovanın meyiti kirayədə yaşadığı evin həyətində tapılıb. Meyitin üzərində zorakılıq əlamətləri aşkar olunub.
Polisin keçirdiyi axtarış-əməliyyat tədbirləri nəticəsində qətil törədən zərərçəkmişin əri 31 yaşlı Şəhriyar Ələsgərov saxlanılıb. İstintaq zamanı məlum olub ki, şəxsi münasibətlər zəminində aralarında yaranmış mübahisə zamanı Ləman Ələsgərovaya bıçaqla çoxsaylı xəsarətlər yetirib.
Şəhriyar Ələsgərova qarşı Cinayət Məcəlləsinin “Qəsdən adam öldürmə” maddəsi ilə cinayət işi başlanıb.
