Sabunçu rayon polis idarəsindən silah oğurlayan polis əməkdaşları barəsində cinayət işi başlanılıb. Bu haqda bu gün, 26 oktyabr tarixində APA məlumat yayıb.
2020-ci ilin dekabr ayında “Zəfər K” tapançasının yoxa çıxması aşkar olunub. Aparılan araşdırma zamanı Polis əməkdaşları Musa Allahverdiyev və Elxan Mustafayev şübhəli bilinərək saxlanılıblar.
Cinayət işi baxılması üçün Bakı Ağır Cinayətlər Məhkəməsinə göndərilib.
İtən silahla bağlı 2020-ci ildə növbətçi hissənin rəisi Səhrab Rzayev vəzifəsindən azad edilərək, sərəncama göndərilmişdir. O, 2021-ci ilin aprel ayında, silah tapılandan sonra yeni vəzifəyə təyin olunmuşdur.
