Bakıda kişi və onun qardaşı oğlunu bıçaqlayan şəxsin məhkəməsi başlayır. Bu haqda 2 avqust tarixində Bizim.media məlumat verib.
Qaradağ rayonunda iki nəfəri bıçaqlamaqda təqsirli bilinən 35 yaşlı Tariyel Vəliyevin cinayət işi üzrə ibtidai istintaq başa çatıb. Cinayət işi baxılması üçün Bakı Ağır Cinayətlər Məhkəməsinə göndərilib və hakim Rahib Salmanov tərəfindən araşdırılacaq.
Lökbatan qəsəbəsində 2022-ci il aprelin 18-də Füzuli rayon sakini Tariyel Vəliyev Bakı şəhər sakini, 54 yaşlı Əmrah Kərimov və onun qardaşı oğlu, 34 yaşlı Orxan Kərimova dava zamanı bıçaqla çoxsaylı xəsarətlər yetirib. Yaralılar döş qəfəsi nahiyəsindən ağır xəsarət alaraq xəstəxanaya yerləşdiriliblər.
Vəliyev polis tərəfindən saxlanılıb və onun barəsində CM-in “Xüsusi amansızlıq və ya təhlükəli üsulla adam öldürməyə cəhd” maddəsi ilə ittiham elan edilib.
