Qayınanası və qayınatasını yandıran şəxsə ağır cəza verilib. Bu haqda 28 iyul tarixində APA məlumat verib.
Bakı Ağır Cinayətlər Məhkəməsində qayınatası və qayınanasını öldürməyə cəhddə təqsirləndirilən Rövşən Tağıyevin cinayət işinə baxılıb. Məhkəmənin hökmünə əsasən, Rövşən Tağıyev 18 il müddətinə azadlıqdan məhrum edilib.
Rövşən Tağıyev ötən il sentyabrın 19-da Nəsimi rayonunda qayınanası və qayınatasını yandırmağa cəhd edib. O, Mütəllim və Tahirə Babayevlərin evinə gələrək, mənzilə və ev yiyələrinin üzərinə benzin tökərək yandırıb. Babayevlər müxtəlif dərəcəli yanıq xəsarətləri alıblar.
Rövşən Tağıyev saxlanılmışdır və onun barəsində Cinayət Məcəlləsinin “Xüsusi amansızlıqla və ya ümumi təhlükəli üsulla adam öldürməyə cəhd” və “İki və ya daha çox şəxsi qəsdən öldürməyə cəhd” maddələri ilə cinayət işi açılmışdır.
