Paytaxtın Sabunçu rayonunda oğurlanan 2 yaşlı körpə barəsində yeni detallar açıqlanıb. Bu haqda Xəzər Xəbər məlumat yayıb.
Uşağın anası Reyhan Şıxaliyeva bildirib ki, atası çörək almaq üçün 15 dəqiqəlik çölə çıxan zaman, körpə, digər 4 övladının gözü qarşısında oğurlanıb.
O, bildirir ki, əməli törədən qadın bir neçə gün əvvəl yaşadıqları ünvana gələrək sosial yardım verilməsi adı ilə ailə üzvlərini siyahıya almışdır. Bir dəfə də baş ağrısı dərmanı istəmək üçün qapılarını döymüşdür.
Ötən gün, 30 dekabr tarixində sosial şəbəkələrdə paytaxtın Sabunçu rayonunda 2 yaşlı körpənin oğurlandığı xəbəri yayılmışdır.
