Sabunçu rayonunda naməlum şəxs 5-ci sinif şagirdini maşınına mindirərək oğurlamağa cəhd edib. Bu haqda 25 noyabr tarixində APA xəbər verib.
Umudvar Əliyev küçəsində az yaşlı qız 188 saylı tam orta məktəbdən çıxarkən onu naməlum şəxs avtomobilə zorla itələyərək onu qaçırtmaq istəyib. Məlum olub ki, 5-ci sinif şagirdi Zarina Hüseynova (şərti addır) dərsdən sonra qardaşını axtarmaq məqsədi ilə çölə çıxıb, bu an ona “Mitsubishi” markalı avtomobil yaxınlaşıb. Avtomobilin sürücüsü Zarinaya bıçaqla hədə qorxu gəlib və maşına otuzdurub.
Sürücü ətrafdan keçənlərdən Zabrat istiqamətinə yolu soruşub. Bu zaman qız yolda sinif yoldaşını valideyni ilə birlikdə görüb. Uşaq avtomobilin qapısını açaraq həmin valideynin yanına qaçıb, bu zaman naməlum şəxs ərazidən uzaqlaşıb.
Faktla bağlı araşdırma davam edir.
