Paytaxtın Sabunçu rayonu Zabrat qəsəbəsində döyülən şəxs xəstəxanada dünyasını dəyişib. Bu haqda bu gün, 30 noyabr tarixində Report Daxili İşlər Nazirliyinə istinadən məlumat yayıb.
27 noyabr tarixində Zabrat qəsəbə sakini Məhəmməd Əliyev döyülərək ağır xəsarətlər alıb. O, 29 noyabr tarixində yerləşdirildiyi xəstəxanada ölüb.
Aparılan araşdırma zamanı mərhumun həmin qəsəbə sakini R.Əzimov tərəfindən döyüldüyü məlum olub.
Şübhəli şəxs saxlanılaraq barəsində cinayət işi açılıb.
