Bakının Sabunçu rayonu, Kürdəxanı qəsəbəsində 28 iyul tarixində ölümlə və yaralanma iə nəticələnən yol qəzası baş verib. Bu haqda bu gün, 29 iyul tarixində Report məlumat verib.
Əjdər Məlikov küçəsində "İsuzu" markalı yük maşını "Mitsubishi Lancer" markalı avtomobillə toqquşub. Nəticədə “Mitsubishi”-də olan sürücü, 25 yaşlı Ümid Əliyev və onun yanında olan sərnişin Emin Abdullayev müxtəlif dərəcəli xəsarətlərlə xəstəxanaya çatdırılıblar. Lakin sürücü aldığı xəsarətlərdən reanimasiya şöbəsində ölüb.
Hadisə ilə bağlı Sabunçu Rayon Polis İdarəsində “Yol hərəkəti və nəqliyyat vasitələrinin istismarı qaydalarını pozma” maddəsi ilə cinayət işi başlanılıb, istintaq aparılır.
