Sabunçu rayonunda kişini bel ilə döyərək öldürən şəxsə hökm oxunub. Bu haqda 8 avqust tarixində Report məlumat verib.
Bakıda adam öldürməkdə təqsirləndirilən Əbülfərz Məhərrəmova hökm oxunub və o, 10 il müddətinə azadlıqdan məhrum edilib.
Belə ki, cari ilin yanvar ayında Bakıxanov qəsəbəsində 42 yaşlı Ramin Atakişiyev övladını görmək üçün keçmiş həyat yoldaşı ilə görüş təyin edib. Lakin Atakişiyevi keçmiş həyat yoldaşının qeyri-rəsmi nikahda yaşadığı Əbülfərz Məhərrəmov qarşılayıb və onu küt alətlə döyüb.
Ağır xəsarətlər alan Atakişiyev koma vəziyyətində xəstəxananın reanimasiya şöbəsinə yerləşdirilib. Lakin, həkimlərin səylərinə baxmayaraq, o, xəstəxanada dünyasını dəyişib.
Faktla bağlı Məhərrəmov saxlanılıb və ona CM-in “Qəsdən sağlamlığa zərər vurma; zərərçəkmiş şəxsin ölümünə səbəb olduqda” maddəsi ilə cinayət işi başlanılıb.
