Bakının Suraxanı rayonunda yanğın hadisəsi baş verib. Bu haqda 14 fevral tarixində axşam saatlarında Fövqəladə Hallar Nazirliyinin (FHN) mətbuat xidməti məlumat yayıb.
Verilən məlumata görə, ümumi sahəsi 50 kv.m olan talvarın yanar konstruksiyaları və yaxınlığında olan 80 litrlik içərisi dizel yanacağı ilə dolu plastik çəllək yanıb.
Hadisə yerinə FHN əməkdaşları cəlb olunub, yanğın söndürülüb. Yaxınlıqdakı evə və tikililərə ziyan dəyməyib. Xəsarət alan yoxdur.
