Bakıda "Uber" taksi sürücüləri avtoşluq edərək qəza şəraiti yaradıblar. Bu haqda 18 aprel tarixində Avtosfer.az məlumat verib.
Tbilisi prospektində aprelin 17-də “Uber” taksi şirkətinə məxsus 99-KE-508 qeydiyyat nişanlı və 77-BK-945 qeydiyyat nişanlı “Toyota Prius” markalı avtomobillərin sürücüləri manevr qaydasını kobud şəkildə pozaraq sağ zolaqla hərəkət ediblər. Bununla da hərəkətdə olan “Azsamand” markalı avtomobilə qəza şəraiti yaradıblar.
Təhlükə ilə üzləşən sürücü qəzaya düşməmək üçün sağa manevr edərək hadisədən son anda yayına bilib. Lakin “Prius”-un sürücüsü buna əhəmiyyət verməyərək yüksək sürətlə hərəkətinə davam edib və bir az irəliləyərək növbəti avtomobilə qəza şəraiti yaradıb.
Faktla bağlı araşdırma davam edir.
