“Ulduz” stansiyasında sahibsiz çanta gərginlik yaradıb. Bu haqda 8 avqust tarixində Qafqazinfo məlumat verib.
Saat 12:00 radələrində metronun “Ulduz” stansiyası istiqamətində iki gənc oğlan TikTok sosial şəbəkəsinə video çəkmək məqsədilə əllərində olan çantanı yerə atıb qaçıblar. Hadisə nəticəsində qatardakı sərnişinlər arasında təşviş yaranıb.
Vaqonda olan sərnişinlərdən biri sahibsiz zənn etdiyi çanta barəsində rabitə vasitəsilə maşinistə məlumat verib.
“Dərhal dispetçerin tapşırığına əsasən stansiya növbətçisi polis əməkdaşı ilə birgə vaqona baxış keçirib. Məlumat verən qadın onlara çantanı göstərib. Lakin bu zaman məlum olub ki, əşyanın sahibi bir qədər aralıdakı sərnişindir. TikTok çəkilişi ilə bağlı nəsə olmayıb”, - məsələ ilə əlaqədar “Bakı Metropoliteni” QSC-nin mətbuat katibi Bəxtiyar Məmmədov açıqlama verib.
