Nəsimi rayonunda qanlı hadisə baş verib. Bu haqda 15 avqust tarixində APA məlumat verib.
“Kubinka” ərazisində Vətən müharibəsi iştirakçısı, 24 yaşlı Niyaməddin Muradov naməlum kişinin qadının əlindən telefon alaraq onu döyməsinin şahidi olub. Muradov dərhal həmin kişinin bu əməlinin qarşısını almaq üçün qadını müdafiə etməyə çalışıb.
Lakin o, naməlum şəxs tərəfindən ürəyindən bıçaqlanıb və aldığı yaralardan hadisə yerində dünyasını dəyişib.
Niyaməddin Muradov “Qubadlının azad olunmasına” görə medalı ilə təltif edilib.
Faktla bağlı araşdırma aparılır.
Yenilənib: 09:58
Nəsimi rayonunda qazini qətlə yetirən Bəxtiyar Qarayev şübhəli şəxs qismində tutularaq istintaqa cəlb edilib.
Araşdırma zamanı məlum olub ki, 23 yaşlı Qarayev mübahisə zamanı əvvəldən tanımadığı Niyaməddin Muradovun döş qəfəsinin sol yarısına bıçaqla xəsarət yetirərək onu qəsdən öldürüb.
Faktla bağlı Nəsimi Rayon Prokurorluğunda CM-in “Qəsdən adam öldürmə” maddəsi ilə cinayət işi başlanılıb.
