Elektrik cərəyanı vurması nəticəsində dünyasını dəyişən H.Quliyev Goranboy Rayon İcra Hakimiyyətinin başçısı Məhərrəm Quliyevin qardaşıdır.
Cenublu.az-ın əldə etdiyi məlumata görə, bu gün saat 15:00 radələrində Abşeron rayonu, Xırdalan şəhəri, 22-ci məhəllə, ev 17 ünvanında fəaliyyət göstərən “AY-MİN” MMC-yə məxsus ət məhsulları istehsalı sexində avadanlığı elektrikli yuyucu qurğu ilə təmizləyərkən fəhlə kimi çalışan 1971-ci il təvəllüdlü Quliyev Habil Böyükağa oğlunu elektrik cərəyanı vurub. Hadisə nəticəsində zərərçəkən ölüb.
Faktla bağlı Abşeron rayon prokurorluğunda araşdırma aparılır.
12:05 - Xırdalanda kolbasa şirkətində ölüm hadisəsi
Azərbaycanda kolbasa istehsal edən şirkətdə bədbəxt hadisə baş verib.
Lent.az-ın əldə etdiyi məlumata görə, hadisə Xırdalan şəhərində fəaliyyət göstərən “Ay-min” MMC-də (kolbasa şirkəti) qeydə alınıb.
Orada işləyən, Lənkəran rayon sakini, 53 yaşlı Habil Quliyevi elektrik cərəyanı vuraraq öldürüb.
Faktla bağlı Abşeron rayon Prokurorluğu tərəfindən araşdırma aparılır.
