Bakının Xəzər Tibb Mərkəzində intihar hadisəsi qeydə alınıb. Bu haqda bu gün, 13 sentyabr tarixində Oxu.az məlumat verib.
Həmin tibbi müəssisəsində müalicə alan 27 yaşlı Könül Gülverdiyeva özünü xəstəxananın 5-ci mərtəbəsindən atıb. Hadisə nəticəsində gənc qadın yerindəcə keçinib. Mərhumun psixoloji xəstəlikdən əziyyət çəkmədiyi bildirilib.
Xəzər Tibb Mərkəzindən verilən məlumata görə, Gülverdiyeva epilepsiya xəstəliyindən əziyyət çəkirdi. 9 sentyabr tarixində o, xəstəxanaya yerləşdirilmişdir. Xəstənin hansı diaqnozla xəstəxanaya daxil olduğu məlum deyil.
Gülverdiyevanın kiminlə telefonla danışması, yazışması araşdırılır. Faktla bağlı prokurorluq orqanlarında istintaq prosesi başlanılıb.
