Bakıda baş vermiş qəzada xəsarət alan motosikletçi xəstəxanada dünyasını dəyişib. Bu haqda BakuPlus.az Qafqazinfo-ya istinadən bu gün, 3 may tarixində xəbər verir.
Tbilisi prospekti ilə Bakıxanov küçəsinin kəsişməsindəki dairədə (körpünün altında) “Mitsubishi Pajero”-ya çırpılan “Bajaj Avenger 220CC” markalı motosikletin sürücüsü Kamran Əliyev yerləşdirildiyi xəstəxanada vəfat edib.
Qapalı kəllə beyin travması alan motosikletçi 10 gündür davam edən tibbi müdaxilələrə baxmayaraq, dünyasını dəyişib.
Faktla bağlı Yasamal rayon Polis İdarəsində cinayət işi başlanılıb, araşdırma aparılır.
