Paytaxtın Nəsimi rayonunda üç avtomobil zənciravi qəzaya uğrayıb. Bu haqda bu gün, 18 dekabr tarixində APA məlumat verib.
Hadisə Ziya Bünyadov prospektindəki tuneldə baş verib. Belə ki, “Chevrolet” markalı avtomobili idarə edən 29 yaşlı Atabəy Ramazanlı yüksək sürətlə “Mercedes” markalı avtomobilə çırpılıb. Sürücü idarəetməni itirərək daha sonra “Kia” markalı avtomobilinə çırpılıb, və zərbənin gücündən beton divara dəyib.
Qəza nəticəsində Ramazanlı xəsarət alaraq xəstəxanaya yerləşdirilib. Hadisə yerinə Nəsimi Rayon Polis İdarəsinin əməkdaşları gələrək təhlükəsizlik məqsədilə tunelin Qələbə dairəsi istiqamətində olan hissəsini bağlayıb. Zərər dəyən avtomobillər evakuator vasitəsi ilə ərazidən çıxarılıb.
Ötən gün, 17 dekabr tarixində Ziya Bünyadovdakı tuneldə qəza nəticəsində “Chevrolet” markalı avtomobil qəzaya uğramışdır.
