Bakıda narkotik vasitələrin qanunsuz dövriyyəsində təqsirləndirilən Sənubər Vəliyeva və onun dostu Taleh Əliyevin cinayət işi üzrə ibtidai istintaq sona çatıb və cinayət işi Bakı Ağır Cinayətlər Məhkəməsinə göndərilib. Bu barədə bu gün, 12 fevral tarixində Report xəbər verib.
Cinayət işinə hakim Əfqan Hacıyev tərəfindən baxılacaq. Məhkəmə iclasının vaxtı hazırda məlum deyil.
Vəliyeva 13 oktyabr tarixində Binəqədi rayonu ərazisində saxlanılmışdır. Onun çantasından 1 kiloqramdan çox heroin, 115 qram metamfetamin və 1 ədəd elektron tərəzi aşkar olunmuşdur.
Araşdırma zamanı məlum olmuşdur ki, bu şəxs sosial şəbəkələrdə tanış olduğu xarici ölkələrdən birinin vətəndaşından onlayn yolu ilə narkotik almışdır. Daha sonra onun köməkçisi Taleh Əliyev də həbs olunmuşdur.
