Bakıda qanunsuz ağac kəsimlərinə görə cinayət işi başlanılıb. Bu haqda 6 sentyabr tarixində Report məlumat verib.
Nərimanov rayonunda “Mənzərə” MTK-nın istifadəsində olmaqla dövlət mülkiyyətində olan torpaq sahəsində meşə fonduna daxil olan ağacların və kolların qanunsuz kəsilməsi faktı aşkar edilib.
Faktla bağlı Cinayət Məcəlləsinin “Torpaq üzərində mülkiyyət, istifadə və ya icarə hüququnu pozma”, “Yerin təkinin qorunması və istifadəsi qaydalarını pozma”, “Qanunsuz ağac kəsmə” maddələri ilə cinayət işi başlanılaraq istintaqın aparılması üçün aidiyyəti üzrə daxili işlər orqanlarına göndərilib.
