Bakı şəhəri, Məmməd Rahim küçəsi, 535-ci məhəllədə yerləşən köhnə tipli beşmərtəbəli binada yaşayan sakinlər ciddi problemlə üzləşib. Binanın damında baş verən nasazlıq səbəbindən yağış suları birbaşa mənzilə axır.
Mənzil sahibi Bakuplus.az-a bildirib ki, dam örtüyünü qoruyan şiferin yerindən sürüşməsi nəticəsində tavan daimi olaraq su sızmasından ziyan çəkir. Sakin isə hər dəfə təmir işləri aparmağa məcbur qalır.
Problemin həlli üçün mənzilin sahibi aidiyyəti qurumlara, o cümlədən Yasamal MKTB-nin 21 saylı mənzil-kommunal istismar sahəsinin sədri Yasin Rüstəmova müraciət etsə də, heç bir tədbir görülməyib. Sakinlər bir aydır ki, gözləyir, lakin nəticə yoxdur.
