Xəzər dənizinin ən böyük barjı əsaslı təmir olunub. Bu haqda bu gün, 21 sentyabr tarixində Bakuplus.az Xəzər Dəniz Gəmiçiliyinə istinadən xəbər verir.
“STB-1” barjı “Bibiheybət” Gəmi Təmiri Zavodunda təmir olunub. Gəminin generatorları, işıqlandırma sistemləri, elektrik avadanlıqları, mühərrikləri, nasosları və digər detalları bərpa olunub.
Həmçinin gəminin sualtı, suüstü hissəsi və mexanizmləri təmizlənərək rənglənib. Daha sonra su nəqliyyatı Azəri-Mərkəzi-Şərqi layihəsində istismar olunması üçün “BP” şirkətinə icarəyə verilib.
“STB-1” barjının uzunluğu 163, eni 45 m, göyərtəyə yükgötürmə qabiliyyəti isə 18.000 tondur.
[caption id="attachment_70812" align="alignnone" width="640"]
Foto ASCO-nun rəsmi saytı[/caption]
