“Emin 444”-ün xalası oğlunun cinayət işi məhkəməyə göndərilib. Bu haqda 7 iyul tarixində Report məlumat verib.
Binəqədi rayonunda bu il martın 14-də “Qardaşlar” marketin içərisində 38 yaşlı Zaur Yusifov odlu silahdan açılan atəş nəticəsində qəsdən öldürülmüşdür. Onun ölümündə şübhəli bilinən Samir Şirəliyev saxlanılmışdır.
İlkin istintaq zamanı məlum olub ki, 22 yaşlı Şirəliyev 2019-cu ildə qətlə yetirilmiş xalası oğlu “Emin 444” ləqəbli kriminal avtoritet Emin Səfərovun öldürülməsində Zaur Yusifovu günahkar bilib. Qisas almaq məqsədilə o, odlu silahdan Yusifova bir neçə dəfə atəş açaraq, onu qəsdən öldürüb.
Samir Şirəliyevə CM-in “Xüsusi amansızlıqla və ya ümumi təhlükəli üsulla adam öldürmə” və “Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə” maddələri ilə yekun ittiham elan edilərək cinayət işi baxılması üçün aidiyyəti üzrə Bakı Ağır Cinayətlər Məhkəməsinə göndərilib.
