Dekabrın 19-u küçəyə atılan körpə və anası “Təmiz Dünya” Qadınlara Yardım İctimai Birliyinə məxsus sığınacağa yerləşdiriliblər. Bu haqda bu gün, 26 dekabr tarixində Lent.az məlumat verib.
Birliyin rəhbəri Mehriban Zeynalova bildirib ki, körpənin anası tapılsa da, psixoloji durumu yerində deyil: “Ananı da sığınacağa qəbul etdik. Lakin onun psixoloji durumunda problem olduğunu düşünürük. Bununla bağlı aidiyyəti qurumlara müraciət etmişik. 3 aylıq körpəyə sığınacaqda qalan digər xanımlar nəzarət edir”.
Daha əvvəl ana uşağın atası tərəfindən küçəyə atıldığını bildirib.
