Nərimanov rayonunda ağacları qəsdən qurudan şirkətlə bağlı Baş Prokurorluğa müraciət edilib. Bu haqda 10 sentyabr tarixində Report məlumat verib.
Təbriz və Həsənoğlu küçələrinin kəsişməsində ağaclar quruyub. Dövlət Ekoloji Təhlükəsizlik Xidmətinin araşdırması zamanı ağacların sözügedən ərazidə tikinti işləri aparan “Ailə Park” MMC tərəfindən qəsdən qurudulduğu müəyyən edilib. Təbiətə ümumilikdə 11.760 manat məbləğində ziyan dəydiyi qeyd olunub.
Məsələyə hüquqi qiymət verilməsi üçün toplanmış sənədlər Azərbaycan Respublikası Baş Prokurorluğuna göndərilib.
