Bakıda Azərbaycan Respublikasının Qida Təhlükəsizliyi Agentliyi (AQTA) heyvan kəsimi məntəqələrində, marketlərdə və iaşə obyektlərində yoxlamalar keçirib. Bu haqda bu gün, 6 sentyabr tarixində Bakuplus.az AQTA-nın mətbuat xidmətinə istinadən məlumat verir.
Keçirilən reyd zamanı Binəqədi, Nərimanov, Sabunçu və Xətai rayonlarında 31 məntəqədə qanun pozuntuları aşkarlanıb. Həmin məntəqələrdə qanunsuz metal konstruksiyalar sökülüb, inzibati protokol tərtib edilib. Xətai rayonunda Nəsrəddin Tusi küçəsində yenidən bərpa edilmiş qanunsuz metal konstruksiyalar sökülüb.
Həmçinin “Xəzər” və “Öz Ət” marketlərində, “İpəksu” MMC su daşıyıcı şirkətində, “Ləziz Catering” və “50 Qəpik” adlı iaşə obyektlərində keçirilən yoxlamalar zamanı işçilərin ilkin və dövri tibbi müayinədən keçməməsi, “İslam Meat” restoranında işçilərin ilkin və dövri tibbi müayinədən keçməməsi və baytarlıq şəhadətnaməsi və ya arayışı olmayan heyvan mənşəli məhsulların qəbulu kimi nöqsanlar aşkar olunub.
Yoxlamalar davam edir.
