Növbəti “Plastik butulkanı ekoçantaya dəyiş” aksiyası Binəqədi-Xırdalan şosesində təşkil olunub. Bu haqda BakuPlus.az Ekologiya və Təbii Sərvətlər Nazirliyinin mətbuat xidmətinə istinadən bu gün, 6 sentyabr tarixində xəbər verir.
Neptun hipermarketdə keçirilən aksiya zamanı ümumi tutumu 1982 litr olan plastik butulka yığılıb.
Ümumi tutumu 50 litrdən artıq butulka təhvil verən şəxslərə ekoçantalarla yanaşı, Milli Parklara bilet, azyaşlı uşaqlara isə kitablar hədiyyə olunub.
Yığılan plastik tullantılar “AzEkol” MMC tərəfindən təkrar emala yönləndirilib.
Ekoloji Maarifləndirmə və İctimaiyyətlə Əlaqələr Şöbəsinin müdiri Səyyarə Məmmədova bildirib ki, aksiyaya 18 iyun tarixində start verilib və bugünədək 9 aksiya keçirilib.
[caption id="attachment_68436" align="alignnone" width="896"] Foto Ekologiya və Təbii Sərvətlər Nazirliyinin rəsmi Facebook səhifəsi[/caption]
