Bakının Sulutəpə dairəsi adlanan ərazisində yeni tikilən obyekt sökülür. Bu haqda bu gün, 6 avqust tarixində ASAN Radio məlumat verib.
Bildirilir ki, tikili ictimai qınağın nəticəsində sökülür. Daha öncə məlum olub ki, Sulutəpə qəsəbəsi ərazisində yol qovşağına yaxın ərazidə salınmış yaşıllıq zolaqlarında ağaclar məhv olunur. Ağacların yarıdan çoxunun quruması və ya aşması müşahidə olunub.
Sözügedən ünvanda “Körpü-Bina-Tikinti” MMC tərəfindən tikinti işləri aparılır. Qurumdan bildirildi ki, ərazinin müəyyən hissəsi həqiqətən şirkətə aiddir, lakin ağacların qurumasına görə onlar məsuliyyət daşımırlar.
[caption id="attachment_56573" align="alignnone" width="800"]
Foto ASAN Radionun Facebook səhifəsi[/caption]
