Bakıda qətl törətməkdə təqsirləndirilən şəxsin cinayət işi üzrə istintaq materialları məhkəməyə göndərilib. Bu haqda BakuPlus.az Report-a istinadən bu gün, 7 sentyabr tarixində xəbər verir.
Tanışını kəsici-deşici alətlə xəsarətlər yetirərək öldürən Emil Ağayevin cinayət işi Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə araşdırılacaq.
Məhkəmənin hazırlıq iclasının vaxtı hələ məlum deyil.
Cari ilin mayında paytaxtın Nərimanov rayonunda 33 yaşlı E. Ağayev şəxsi münasibətlər zəminində Şamil Əliyevi kəsici-deşici alətlə xəsarətlər yetirərək qətlə yetirib.
E.Ağayevə qarşı Cinayət Məcəlləsinin 120.1-ci (Qəsdən adam öldürmə) maddəsi ilə ittiham irəli sürülüb.
