Bakının Yasamal rayonu, Tbilisi prospekti ilə Azər Əliyev küçəsinin kəsişməsində nəqliyyatın hərəkəti dəyişdirilib. Bu haqda bu gün, 7 sentyabr tarixində Report Bakı Nəqliyyat Agentliyinə istinadən məlumat verib.
Yolun buraxıcılıq qabiliyyətinin və piyadaların təhlükəsizliyinin səviyyəsinin artırılması məqsədilə işıqforun daim sağa dönməyə icazə verən əlavə bölməsi ləğv olunub, düz və sağa hərəkəti təmin etmək üçün uzaq sağ zolaqda yol nişanları dəyişdirilib.
Sürücülərdən dəyişiklikləri nəzərə almaları və dəyişikliklərə uyğun olaraq yol hərəkəti qaydalarına əməl etmələri xahiş olunur.
