Bakıda 6 medallı qaziyə ev verilib. Bu haqda 8 avqust tarixində Modern.az məlumat verib.
Vətən müharibəsi iştirakçısı Mehman İbrahimov Xocəsən qəsəbəsindəki yeni yaşayış massivində Əmək və Əhalinin Sosial Müdafiəsi Nazirliyi tərəfindən iki otaqlı tam təmirli mənzillə təmin olunub.
Mehman Kamil oğlu İbrahimov 44 günlük Vətən müharibəsinin ilk günlərindən döyüşlərə qatılıb. İxtisasca hərbçi olan Mehman Cəbrayıl, Füzuli və Xocavənd rayonlarının azadlığı uğrunda gedən döyüşlərdə iştirak edib.
Mehman İbrahimov “Cəbrayılın azad olunmasına görə”, “Füzulinin azad olunmasına görə”, “Xocavəndin azad olunmasına görə”, “Vətən müharibəsi iştirakçısı”, “Qüsursuz xidmətə görə”, “Hərbi xidmətdə fərqlənməyə görə” medalları ilə təltif edilib.
[URIS id=56938]
