Paytaxtın Yasamal rayonu, Zivərbəy Əhmədbəyov küçəsində hərəkət məhdudlaşdırılacaq. Bu haqda bu gün, 4 avqust tarixində Bakuplus.az Avtomobil Yolları Dövlət Agentliyinə istinadən xəbər verir.
Ərazidə aparılacaq təmir-bərpa işləri ilə əlaqədar 6 avqust 08:00-dan 8 avqust 20:00-a qədər adıçəkilən küçənin Salatın Əsgərova küçəsindən Abbasqulu ağa Bakıxanov küçəsinədək olan hissəsində hərəkətə qadağa qoyulacaq.
Sürücülərdən alternativ yollardan istifadə etməkləri xahiş olunur və yarana biləcək narahatlığa görə üzr istənilir.
