Bakının Xətai rayonunda yerləşən Heydər parkı yenidənqurmadan sonra istifadəyə verilib. Bu haqda bu gün, 16 avqust tarixində Xətai Rayon İcra Hakimiyyətinin (RİH) mətbuat xidmətinə istinadən Bakuplus.az məlumat verir.
Paytaxtın Xətai rayonunda, Nəsrəddin Tusi, Neapol və Vunq-Tau küçələrinin ərazisində yerləşən Heydər parkında genişmiqyaslı təmir-bərpa işləri bu günlərdə yekunlaşıb. İşlər “Regional İnkişaf” İctimai Birliyinin (RİİB) təşkilati dəstəyi ilə aparılıb.
Yenidənqurma işləri çərçivəsində 30 mindən çox ağac və gül kolu əkilib, 9 hektar sahədə qazon salınıb, 7 kilometr piyada və 1,1 kilometr velosiped yolu yaradılıb. Bundan əlavə, 150 oturacaq quraşdırılıb, 2500 kv.m sahədə avtomobil dayanacağı yaradılıb.
Parkın ərazisində monitor dəyişdirilib, mədəni-kütləvi tədbirlərin təşkili üçün 918 yerlik amfiteatr tikilib.
[URIS id=59070]
