Xəzər rayonunda şəhidlərin xatirəsinə salınan park baxımsız vəziyyətdədir. Bu haqda 20 avqust tarixində Bakuplus.az-a məlumat daxil olub.
Buzovna qəsəbəsi, Malik Musayev adına məhəllədə məskunlaşan Laçın rayonunun məcburi köçkünləri Birinci Qarabağ müharibəsi şəhidlərinin adının əbədiləşdirilməsi məqsədilə öz vəsaitləri hesabına park salıblar. İstirahət guşəsində kiçik fontan, uşaqlar üçün yelləncəklər, oturacaqlar quraşdırılıb, həmçinin şəhidlərin xatirəsinə lövhə vurulub. Lakın illər sonra park baxımsız vəziyyətə düşüb, ərazini kol-kos basıb, oturacaqlar kələ-kötür olub, uşaq meydançasındakı alətlərin boyası soyulub.
Sakinlər parkın abadlaşdırılması üçün Xəzər Rayon İcra Hakimiyyətindən parkda təmir və təmizlik aparılmasını xahiş edirlər.
[URIS id=59931]
