Bu gün, 28 aprel gecə saatlarında paytaxtın iki rayonunda mopedlərin iştirakı ilə yol qəzaları baş verib.
Səbail rayonu, Salyan şosesində mopedi yüksək sürətlə idarə edən sürücü yol kənarında dayanan “Porsche” markalı avtomobilə çırpılıb. O, ağır xəsarətlərlə xəstəxanaya çatdırılıb. Bildirilir ki, avtomobili idarə edən Əliağa Kürçaylıdır. O, tanınmış şair Əliağa Kürçaylının nəvəsidir.
Oxşar hadisə Binəqədi rayonunda baş verib. Türkel Əliyev tərəfindən idarə edilən moped nasaz vəziyyətdə yolda dayanan “Range Rover” markalı avtomobilə çırpılıb. Mopedin sürücüsü xəsarətlərlə xəstəxanaya çatdırılıb. Hadisə yerinə polis əməkdaşları cəlb olunub.
Hər iki faktla bağlı araşdırmalar aparılır.
