Paytaxtın Binəqədi rayonu, metropolitenin “Azadlıq Prospekti” stansiyası yaxınlığındakı park baxımsız vəziyyətdədir. Bu haqda bu gün, 27 aprel tarixində Bakuplus.az Xəzər Xəbər-ə istinadən məlumat verir.
Vətəndaşların sözlərinə görə, sözügedən parkda istirahət etmək üçün şərait yoxdur, hətta hərəkət etmək belə çətindir.
“Biz artıq burada istirahət edə bilmirik, uşaqları əyləndirməyə, oturmağa belə bir yer yoxdur. Axşamlar çıxmaq istəyirik, ərazi itlər dolu olur”, - deyə sakinlər bildirib.
Rəsmi qurumlar məsələdən xəbərdar olduqlarını deyiblər. Onlar parkda təmir-bərpa işlərinin başladığını, ancaq sakinlərin ekologiya nazirliyinə şikayət etdiklərinə görə qurumun tələbi ilə yarımçıq saxlanıldığı bildiriblər. Səbəb isə abadlıq zamanı ağacların kəsilməsi göstərilir.
Müvafiq göstərişdən sonra yenidənqurmaya təzədən başlanacaq.
[caption id="attachment_42303" align="alignnone" width="800"] Foto Xəzər Xəbərin rəsmi Youtube kanalı[/caption]
