Paytaxtın Yasamal rayonu, Nabat Aşurbəyova küçəsinin bir tərəfi park, digər tərəfi isə zibillikdir. Bu haqda bu gün, 24 avqust tarixində Bakuplus.az Xəzər Xəbərə istinadən məlumat verir.
Şəhərin mərkəzində salınmış parkın düz yanında antisanitariya hökm sürür. Sakinlərin sözlərinə görə, axşam buradan keçmək qorxuludur.
“Axşam tamam başqa cür mənzərə yaranır. Elə bil meşədən keçirsən. Daim küçə itləri buralarda olur,” - deyə sakinlər şikayət edirlər.
Onlar bildirirlər ki, həm parkın, həm də ətrafda aparılan tikintinin zibilləri bura tökülür.
Yasamal Rayon Mənzil Kommunal Təsərrüfat Birliyinin rəisi Ədalət Bağırov məsələ ilə bağlı qeyd edib ki, sözügedən ərazi Mərkəzi parkın davamı olacaq. Bununla bağlı orada yenidənqurma işlərinin aparılması nəzərdə tutulub.
[caption id="attachment_64237" align="alignnone" width="800"]
Foto Xəzər Xəbərin rəsmi Youtube kanalı[/caption]
