Paytaxtın Xəzər rayonu, Şağan qəsəbəsinin sakini Səyavuş Əlizadə böyük kolleksiyasından muzey yaradıb. Bu haqda bu gün, 20 avqust tarixində Bakuplus.az AzTV-yə istinadən xəbər verir.
Adıçəkilən qəsəbədə yerləşən Xəzər Muzey Mərkəzində 12.000 eksponat saxlanılır. Burada Azərbaycanın ilk qadın epiqrafı olan Məşədixanım Nemətovanın şəxsi arxivi, VIII, XIX və XX əsrlərə aid dekorativ tətbiqi sənət nümunələri və qədimi tikmələr, həmçinin 1400-ə yaxın rəsm əsərləri mövcuddur.
Bundan əlavə, muzeydə əlyazmalar, nadir və xüsusi imza almış kitablar yer almış şəxsi kitabxana da var. Eksponatların bəziləri kolleksiyaçının yaxınları və müxtəlif insanların hədiyyələridir.
Ekspozisiyalar hər 3 aydan bir dəyişir, istisnalar Əməkdar rəssam Rais Rəsulzadənin və Bakının ilk baş rəssamı Tofiq Ağababayevin əsərləridir.
Muzey kolleksiyaçının müəllimi Sevda Abdullayevanın adını daşıyır. Sevda xanım Səyavuş bəyə uşaqlıq arzusuna çatmağa kömək edib və öz həyətyanı sahəsində muzey üçün sahə ayırıb.
Mədəniyyət evinə giriş pulsuzdur və qapısı hər kəs üçün açıqdır.
[caption id="attachment_60469" align="alignnone" width="800"]
Foto AzTv-nin rəsmi saytı[/caption]
