Xəzər Rayon İcra Hakimiyyətinin başçısı Elşən Salahov Şüvəlan sakinləri ilə görüşüb. Bu haqda BakuPlus.az RİH-nin mətbuat xidmətinə istinadən bu gün, 31 avqust tarixində xəbər verir.
Görüş qəsəbənin Şimal DRES yaşayış sahəsində keçirilib.
Xəzər Rayon İcra Hakimiyyəti başçısının müavinləri, Aparatın şöbə müdirləri, Şüvəlan qəsəbə inzibati ərazi dairəsi üzrə nümayəndəsi, Şüvəlan bələdiyyəsinin sədri, rayonda fəaliyyət göstərən xidmət sahələrinin rəhbərləri sakinləri maraqlandıran məsələləri diqqət mərkəzində saxlayıblar.
Rayon sakinlərinin müxtəlif sahələrə dair müraciətləri dinlənilib, onları narahat edən məsələlərlə bağlı verdikləri suallar ətraflı cavablandırılıb.
Müraciət, təklif və şikayətlərin bəziləri rayon icra hakimiyyəti başçısının göstərişi ilə yerindəcə həll edilib, əlavə araşdırmalara ehtiyac olan məsələlərlə bağlı aidiyyəti qurumların rəhbərlərinə müvafiq tapşırıqlar verilib və onların həlli nəzarətə götürülüb.
[caption id="attachment_67266" align="alignnone" width="800"]
Foto Xəzər rayon İcra Hakimiyyərtinin rəsmi saytı[/caption]
