Yasamal rayonunda sakinlərlə səyyar görüş təşkil olunub. Bu haqda 22 avqust tarixində Bakuplus.az rayon İcra Hakimiyyətinə istinadən xəbər verir.
Elşad Həsənov yerli sakinləri qəbul edib, onların şikayət və təkliflərini dinləyib. Görüşdə Yasamal rayon İcra Hakimiyyəti başçısı aparatının məsul işçiləri, Yasamal bələdiyyəsinin, MKTB və kommunal xidmət sahələrinin rəhbərləri iştirak ediblər.
Tədbir zamanı vətəndaşlar yaşayış binalarının zirzəmisində təmir-tikinti işləri, məşğulluq, mülkiyyət mübahisələri, mənzil növbəsi, kirayə ev üçün maliyyə vəsaiti və bir sıra sosial məsələlərlə bağlı öz fikirlərini bildiriblər.
Sonda Yasamal RİH-nin başçısı Elşad Həsənov sakinləri narahat edən problemlərin həlli istiqamətində müvafiq tapşırıqlar verib.
[caption id="attachment_62717" align="alignnone" width="800"]
Foto Yasamal Rayon İcra Hakimiyyətinin rəsmi Facebook səhifəsi[/caption]
