Azərbaycanın daha bir hakimi UEFA-nın matçında iştirak edəcək. Bu haqda bu gün, 6 sentyabr tarixində Bakuplus.az Futbol Federasiyaları Assosiasiyasına istinadən xəbər verir.
Əliyar Ağayev Avropa Liqasının qrup mərhələsində keçiriləcək “Şturm” (Avstriya) – “Midtyullan” (Danimarka) qarşılaşmasının baş hakimi olacaq. Ona Zeynal Zeynalov və Akif Əmrəli kömək edəcəklər. Dördüncü hakim İnqilab Məmmədov olacaq.
35 yaşlı Əliyar Ağayev 2005-ci ildən hakimlik fəaliyyətinə başlayıb. 2013-cü ildən FİFA referisi adını qazanıb. Hazırda AFFA hakimlər departamentində mütəxəssis vəzifəsində çalışır.
Daha öncə AFFA-nın digər hakimi Rauf Cabbarovun UEFA Konfrans Liqasının matçına təyinat aldığı barədə məlumat verilmişdir.
