FİFA referisi Elçin Məsiyev beynəlxalq oyuna təyinat alıb. Bakuplus.az AFFA-nın rəsmi saytına istinadən verdiyi məlumata görə, Məsiyev UEFA Gənclər Liqasında "Benfika" (Portuqaliya) - "Makkabi" (Hayfa, İsrail) matçının baş hakimi olacaq.
Sentyabrın 6-da Portuqaliyanın Seyxal şəhərində keçiriləcək H qrupunun görüşündə ona Elşad Abdullayev və Pərvin Talıbov kömək edəcək. Dördüncü hakim funksiyasını isə Ricardo Jorge Antunes Baixinho (Portuqaliya) yerinə yetirəcək.
Elçin Məsiyev 29 iyun 1991-ci ildə Bakı şəhərində anadan olub. 2017-ci ildən hakimlik fəaliyyətinə başlayıb, 2019-cu ildən Premier Liqa oyunlarına referi kimi təyinat alır. 2021-ci ildən isə FIFA referisidir.
