Bakının mərkəzi küçələrində sərnişin avtobuslarının iştirakı ilə avqustun 11-i iki yol-nəqliyyat hadisəsi baş verib. Bu haqda bu gün, 12 avqust tarixində Bakuplus.az məlumat verir.
Xətai rayonu, Neftçilər Xəstəxanasının qarşısında “Baku-Bus" MMC-yə məxsus sərnişin avtobusu yolun kənarı ilə hərəkət edən "Ford" markalı minik avtomobilinə çırpılıb. Hadisə nəticəsində xəsarət alan olmayıb, nəqliyyat vasitələrinə maddi ziyan dəyib.
Daha bir qəza İstiqlaliyyət prospektində baş verib. “Opel” markalı minik avtomobili 65 nömrəli marşrut avtobusu ilə toqquşub. Hadisə nəticəsində minik avtomobilinin ön hissəsinə maddi ziyan dəyib.
