Bakının Xəzər rayonu, Zuğulba qəsəbəsində nəzarətsiz ərazidə batan şəxsin meyiti sudan çıxarılıb. Bu haqda bu gün, 13 avqust tarixində Fövqəladə Hallar Nazirliyinin (FHN) mətbuat xidməti məlumat verib.
Daha öncə bir nəfərin batması barədə məlumat yayılıb. Hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub.
Həyata keçirilən axtarışlar nəticəsində batan şəxsin meyiti tapılaraq çıxarılıb və aidiyyəti üzrə təhvil verilib.
