Bakıda evdən və mağazadan oğurluq törətməkdə şübhəli bilinən şəxslər saxlanılıb. Bu haqda bu gün, 12 avqust tarixində Daxili İşlər Nazirliyinin mətbuat xidmətinə istinadən Bakuplus.az məlumat verir.
Sabunçu Rayon Polis İdarəsi (RPİ) 14-cü polis bölməsinin əməkdaşlarının həyata keçirdikləri əməliyyat-axtarış tədbirləri nəticəsində evlərin birindən 3000 manat dəyərində generator oğurlamaqda şübhəli bilinən paytaxt sakinləri, əvvəllər məhkum olunmuş N.Quliyev və E.Bayramov tutulublar.
Yasamal RPİ 29-cu polis bölməsinin əməkdaşlarının həyata keçirdikləri əməliyyat-axtarış tədbirləri nəticəsində marketlərin birindən 1025 manat dəyərində terminal oğurlamaqda şübhəli bilinən əvvəllər məhkum olunmuş Lənkəran rayon sakini A.Nəsrullayev tutulub.
Hər iki faktla bağlı araşdırma aparılır.
