Nərimanov rayonunda turizm şirkətinin müdiri ürəyindən, işçisi isə ayağından bıçaqlanıb. Bu haqda BakuPlus.az APA-ya istinadən bu gün, 11 avqust tarixində xəbər verir.
Paytaxtın Montin adlanan ərazisində turizm şirkətinin müdiri Cavid Məmmədov və işçisi, 18 yaşlı Kamran Amanzadə agentliyin sürücüsündən pul almaq üçün onun yaşadığı Nərimanov rayonu ərazisinə gəliblər.
Bu zaman onlar 4 nəfər naməlum şəxsin hücumuna məruz qalıblar. C.Məmmədov ürəyindən bıçaqlanıb. O, ağır vəziyyətdə 5 nömrəli xəstəxanaya yerləşdirilib. Həkimlər onun vəziyyətinin ağır olduğunu bildirir.
K.Amanzadə isə ayağından bıçaqlanaraq Kliniki Tibbi Mərkəzə yerləşdirilib.
Faktı Nərimanov Rayon Polis İdarəsinin əməkdaşları araşdırır.
