Ötən gün axşam saatlarında Bakıda uşaq bağlı qapı arxasında köməksiz və nəzarətsiz qalıb. Hadisə paytaxtın Binəqədi rayonu ərazisində baş verib. Bu haqda Fövqəladə Hallar Nazirliyinin mətbuat xidməti məlumat yayıb.
Nazirliyin qaynar xəttinə 2 nəfərin fərdi evdə bağlı qapı arxasında köməksiz qalması haqqında məlumat daxil olub. Hadisə yerinə FHN-nin Xüsusi Riskli Xilasetmə Xidmətinin müvafiq xilasetmə qüvvələri cəlb olunub.
FHN əməkdaşları keçirilən tədbirlər nəticəsində giriş qapısını açıb və evdə halsız vəziyyətdə aşkarlanan qadını və nəzarətsiz qalmış uşağı xilas ediblər.
