Bakı şəhəri, Binəqədi rayonunda 11 noyabr axşam saatlarında yaşayış evində yanğın olub. Bu haqda Fövqəladə Hallar Nazirliyinin (FHN) mətbuat xidməti məlumat verib.
Ümumi sahəsi 100 kv.m olan birmərtəbəli 3 otaqlı evin tavanı və dam örtüyünün taxta atmaları 10 kv.m sahədə yanıb. Hadisə yerinə FHN əməkdaşları cəlb olunub. Yanğın söndürülüb, evin qalan hissəsi alovdan mühafizə olunub. Xəsarət alan olmayıb.
Ötən gün ərzində daha iki yanğın Qaradağ və Sabunçu rayonlarında baş vermişdir.
